என்னுடைய நான்!!

காசை சேர்த்துக்கொண்டு கனவை மறக்கிறோம்! வசதியை தேடிக்கொண்டு வாழ்க்கையை தொலைக்கிறோம்!!   -அ.ச.கி.

  கத்தியின்றி ரத்தமின்றி - ஓர் இதயமாற்று அறுவை சிகிச்சை!                  #காதல் -அ.ச.கி

நான்! வண்ணங்கள் இல்லாத உலகம்! பூக்கள் மலராத செடிகள்! குயில்கள் கூவாத மரங்கள்! மார்கழி குளிராத மாதங்கள்! அலைகள் ஆர்ப்பரிக்காத கடல்! சண்டைகள் மூளாத காதல்! அழுகை இல்லாத குழந்தை! நீ இல்லாத நான்!! -அ.ச.கி.

மோதல்! 'மோதல் காதலில் முடியும்' என்பதெல்லாம் சுத்த பிதற்றல் என்றிருந்தேன்! உன் முடியிரண்டு என் முகம் மோதும் வரையில்!! -அ.ச.கி.

பெண் சிசுவுக்கு! ஓ! பெண்ணே! மறுசனனம் ஒன்றெடுத்து - ஆண் மகவு உருவெடுத்து - இம் மண்ணில் பாதம் பதி! அன்று உனக்கு இவ்வுலகில் இடம் இருக்கும்! இல்லையேல்- உன் அன்னையின் மார்பு காம்பை நீ கவ்வும்முன் இம்மண் உன்னைக் கவ்வும்! பால்மனம்- உன் நாசியை நிறைக்கும்முன் பாழும் உலகம்  உன் கழுத்தை நெரிக்கும்!!    - அ.ச.கி.