வேலுப்பிள்ளை பிரபாகரன்!

-
அருமை தலைவா! அருந்தமிழ் புதல்வா!!
வேலுப்பிள்ளை பிரபாகரன்!
(26/11/1954 - 18/05/2009)
மஞ்சள் பூசிய
தீக்கொழுந்து ஒன்றின்
தீவிரம் காட்டியவன்!

தாயின் கருவறை
இருட்டிலேயே - புரட்சி
திட்டம் தீட்டியவன்!

மண்ணின் மகுடம்
மலைகளைப் போன்றே
மன உறுதி கொண்டவன்!

உற்ற உறவுகள்
இன்புற்றிருக்கவே
உள உறுதி பூண்டவன்!

மகரந்தம் கூடி
வளர்த்த செடிபோல்
தேனொழுகும் பேச்சுடையான்!

வேண்டியதெல்லாம்
விடுதலை என்றே
ஒற்றை மூச்சுடையான்!

முப்படை கொண்டே
தனி ராஜ்ஜியம் செய்த
ராஜ ராஜனவன்!

'கரிகாலன்' என்றோர்
பெயரும் கொண்டு
நடமாடிய காலனவன்!

தாய்த்திருநாட்டின்
சொந்தத்தை எல்லாம்
அடைகாத்த அண்ணலவன்!

'கடமை கண்ணியம் கட்டுப்பாடு'
காத்த விதத்தில்
அண்ணாவுக்கும் அண்ணனவன்!

ஆழிப் பேரலையும்
ஊழிப் பெருங்காற்றும்
கலவு கொள்ள
பிறந்த மகன்!

சூழ்ந்த நீள்வானமும்
வாழ்ந்த யாழ்ப்பாணமும்
இழவு கொள்ள
இறந்த மகன்!

'மயிர் போல் அன்றோ உயிரும்?
என்றோ ஒருநாள்
உதிர்ந்தே போகும்!'
என்றே வாழ்ந்தவனை
வென்றே வீழ்ந்தது மண்ணும்!

'புலி' பசித்தாலும் புல் மேய்வதில்லை!
உயிர் நசித்தாலும் கால் ஓய்வதில்லை!!

தன்னுயிர் மதியாதவர்களை
உலகம் மதிக்கும்!
வேற்றுயிர் காத்துப் பார்
உலகம் உன்னை துதிக்கும்!
                   -அ.ச.கி.

Location: Chennai, Tamil Nadu, India

Comments

Post a Comment

Popular posts from this blog

அக்கா மகள்!

-
அக்கா மகள்! பூவையிவள் பூப்படைந்தாள் இன்று! பூவே இவள் பூத்துவிட்டாள் இன்று!! மொட்டவிழ்ந்த சேதி ஒன்றை கொட்டடித்து சொல்லோம், வாரீர்!! உடல் மறைக்கும் பச்சை சேலை உடுத்திவிட அத்தைமாரே வருக! முற்றம் மறைக்கும் பச்சை ஓலை முடைந்துகட்ட மாமன்மாரே வருக!! சத்து சேர்க்கும் பச்சை முட்டை மிச்சமில்லாமல் குடிச்சிடனும்! மாமன்பேசும் குறும்புவார்த்தை அத்தைக்கு சொல்லாம வெச்சுகிடனும்!! இப்படி அப்படி அறிவுரை சொல்லி மனசுக்கும் வயசுக்கும் பலம்சேர்க்க மற்றோர் எல்லாம் வருக!! பார்வதி (கௌரி) மகளை பாடிட வருக! வள்ளிமணாளன்(முத்துக்குமார்) வாரிசுக்கு வாழ்த்துச் சொல்ல வருக! -அ.ச.கி.
Read more

ஓ! இளைய பாரதமே எழுக!!

-
ஓ! இளைய பாரதமே எழுக!! (சுவாமி விவேகானந்தர் பிறந்தநாள்) (12/01/1863 - 04/07/1902) பழம்பெரும் பாரதத்தாயின் மடியில் மலர்ந்த மண்ணின் மைந்தனே! எழுந்திடு! விழித்திடு!! மது சுவாசத்திலும் மாது நாசத்திலும் மாட்டித் தவிக்கிறார்கள் உன் உடன்பிறந்தோர்! ஊழல் அலையிலும் ஊடுருவல் தொல்லையிலும் உருகுலைகிறார்கள் உன் குலத்தோர்! நாக விடம் கொண்ட நாகரிக நாட்டத்தால் நட்டப்படுகிறார்கள் நம்மவர்கள்! இழந்த பாரதப் பெருமையை ஈட்ட புல்லாரை புறந்தள்ள புயலேறு போல் புறப்படு! புதுரத்தம் பாய்ச்ச உத்வேக உருவெடு!! இளைஞ இந்தியாவே! காவித் துறவி காவியத் துறவி மேதினியெங்கும் மேவியத் துறவி வழிதனில் விழிதனை வைத்து விழிப்பை விதைத்திடு! எழுச்சியை எழுப்பிடு!! - அ.ச.கி. 
Read more

சாதிவாரியான இட ஒதுக்கீடு!

-
Image
சாதிவாரியான இட ஒதுக்கீடு! இந்த தலைப்பை படித்தவுடன் சாதிவாரியான இடஒதுக்கீடு தவறென்று இரண்டு பேருக்கு தோன்றும். 1. இட ஒதுக்கீடு பற்றிய முழுப்புரிதல் இல்லாமல் வேண்டாம் என்பவர்கள் 2. இட ஒதுக்கீடு பற்றிய புரிதலுடன், அது ‘ சாதிவாரியான ’ இட ஒதுக்கீடு அல்ல, ‘ வகுப்புவாரியான ’ இட ஒதுக்கீடு என்பவர்கள் இக்கட்டுரை இரண்டு பேருக்குமானது தான். முதல் குழுவில் உள்ள தோழர்கள், ‘வகுப்புவாரி’ இட ஒதுக்கீடு என்ற வார்த்தையை மனதில் நிறுத்திக் கொண்டு மேலே படிக்க வேண்டுகிறேன். இரண்டாம் குழுவில் உள்ள தோழர்கள் இது முழுமையும் படித்து தவறுகளையும், விடுபட்ட கருத்துகளை சுட்டுமாறு வேண்டுகிறேன். இதில் இரண்டிலும் சேராத தோழர்கள் முழுக்கட்டுரையையும் கருத்துரையையும் படிக்கவும். இடஒதுக்கீட்டால் பல குடும்பங்கள் வளர்ந்து வருகின்றன. கூடவே இடஒதுக்கீட்டை பற்றிய விவாதங்களும் வளர்ந்து வருகின்றன. விவாதங்கள் வேதனைக்குரியதல்ல, ஆனால் பல இடங்களில் அத்தகைய விவாதங்களை முன்னெடுப்பது இட ஒதுக்கீட்டால் வளர்ந்து வந்தவர்கள் என்பது தான் வேதனைக்குரிய செய்தி! இடஒதுக்கீட்டையும் அதன் வரலாற்றையும் பற்றி வேறோர் கட்டுரையில் (http://asaki-i...
Read more