விண்ணப்பம்!!

-
விண்ணப்பம்!!


சாய்ந்திருக்க திண்தோள்!!
மகிழ்ந்திருக்க சிறுவீடு!!


காலையில் எழுந்திருக்க - என்
கண்கள்!!


துவண்டு - நீ விழும்போது
என் மார்பு!!


உறக்கம் வரா வேளையில்
தலையணையாய் நான்!!


பேச்சுத்துணைக்கு என் கவிதைகள்!!
பேசாதிருக்க சில முத்தங்கள்!!!


இசை கற்க- குழந்தைச் சிரிப்பு
இரண்டு!!!


முதுமையில் செலவு செய்ய,
முதல் சேமிப்பாய் - என்
மொத்த காதல்!!!




நீ விளையாட
சிறுகுழந்தையாய் நான்!!
நாம் விளையாட
இருகுழந்தையாய் நாம்!!!


சமைத்திட - என் இதழ்கள்!
சமைக்க நீ!!
சுவைக்க நாம்!!!


காற்றோடு கைகோர்த்து நடக்கும்
சில மாலைகள்!!!


மேற்சொன்ன அனைத்திற்கும்,
மாதம் "மூன்றுநாள்" விடுமுறை...
அம்மூன்றுநாளும்,
தாயாய் நான் - என்
மடியில் நீ!!!


இத்தனையும்
நான் உனக்கு தருவேன்!!!
பதிலுக்கு நீ -
சிறு சிரிப்பால்
சம்மதம் என்று மட்டும் தெரிவி!!!


- அ.ச.கி.

Comments

Post a Comment

Popular posts from this blog

அக்கா மகள்!

-
அக்கா மகள்! பூவையிவள் பூப்படைந்தாள் இன்று! பூவே இவள் பூத்துவிட்டாள் இன்று!! மொட்டவிழ்ந்த சேதி ஒன்றை கொட்டடித்து சொல்லோம், வாரீர்!! உடல் மறைக்கும் பச்சை சேலை உடுத்திவிட அத்தைமாரே வருக! முற்றம் மறைக்கும் பச்சை ஓலை முடைந்துகட்ட மாமன்மாரே வருக!! சத்து சேர்க்கும் பச்சை முட்டை மிச்சமில்லாமல் குடிச்சிடனும்! மாமன்பேசும் குறும்புவார்த்தை அத்தைக்கு சொல்லாம வெச்சுகிடனும்!! இப்படி அப்படி அறிவுரை சொல்லி மனசுக்கும் வயசுக்கும் பலம்சேர்க்க மற்றோர் எல்லாம் வருக!! பார்வதி (கௌரி) மகளை பாடிட வருக! வள்ளிமணாளன்(முத்துக்குமார்) வாரிசுக்கு வாழ்த்துச் சொல்ல வருக! -அ.ச.கி.
Read more

ஓ! இளைய பாரதமே எழுக!!

-
ஓ! இளைய பாரதமே எழுக!! (சுவாமி விவேகானந்தர் பிறந்தநாள்) (12/01/1863 - 04/07/1902) பழம்பெரும் பாரதத்தாயின் மடியில் மலர்ந்த மண்ணின் மைந்தனே! எழுந்திடு! விழித்திடு!! மது சுவாசத்திலும் மாது நாசத்திலும் மாட்டித் தவிக்கிறார்கள் உன் உடன்பிறந்தோர்! ஊழல் அலையிலும் ஊடுருவல் தொல்லையிலும் உருகுலைகிறார்கள் உன் குலத்தோர்! நாக விடம் கொண்ட நாகரிக நாட்டத்தால் நட்டப்படுகிறார்கள் நம்மவர்கள்! இழந்த பாரதப் பெருமையை ஈட்ட புல்லாரை புறந்தள்ள புயலேறு போல் புறப்படு! புதுரத்தம் பாய்ச்ச உத்வேக உருவெடு!! இளைஞ இந்தியாவே! காவித் துறவி காவியத் துறவி மேதினியெங்கும் மேவியத் துறவி வழிதனில் விழிதனை வைத்து விழிப்பை விதைத்திடு! எழுச்சியை எழுப்பிடு!! - அ.ச.கி. 
Read more

சாதிவாரியான இட ஒதுக்கீடு!

-
Image
சாதிவாரியான இட ஒதுக்கீடு! இந்த தலைப்பை படித்தவுடன் சாதிவாரியான இடஒதுக்கீடு தவறென்று இரண்டு பேருக்கு தோன்றும். 1. இட ஒதுக்கீடு பற்றிய முழுப்புரிதல் இல்லாமல் வேண்டாம் என்பவர்கள் 2. இட ஒதுக்கீடு பற்றிய புரிதலுடன், அது ‘ சாதிவாரியான ’ இட ஒதுக்கீடு அல்ல, ‘ வகுப்புவாரியான ’ இட ஒதுக்கீடு என்பவர்கள் இக்கட்டுரை இரண்டு பேருக்குமானது தான். முதல் குழுவில் உள்ள தோழர்கள், ‘வகுப்புவாரி’ இட ஒதுக்கீடு என்ற வார்த்தையை மனதில் நிறுத்திக் கொண்டு மேலே படிக்க வேண்டுகிறேன். இரண்டாம் குழுவில் உள்ள தோழர்கள் இது முழுமையும் படித்து தவறுகளையும், விடுபட்ட கருத்துகளை சுட்டுமாறு வேண்டுகிறேன். இதில் இரண்டிலும் சேராத தோழர்கள் முழுக்கட்டுரையையும் கருத்துரையையும் படிக்கவும். இடஒதுக்கீட்டால் பல குடும்பங்கள் வளர்ந்து வருகின்றன. கூடவே இடஒதுக்கீட்டை பற்றிய விவாதங்களும் வளர்ந்து வருகின்றன. விவாதங்கள் வேதனைக்குரியதல்ல, ஆனால் பல இடங்களில் அத்தகைய விவாதங்களை முன்னெடுப்பது இட ஒதுக்கீட்டால் வளர்ந்து வந்தவர்கள் என்பது தான் வேதனைக்குரிய செய்தி! இடஒதுக்கீட்டையும் அதன் வரலாற்றையும் பற்றி வேறோர் கட்டுரையில் (http://asaki-i...
Read more