முட்டாள் தினம்!!!

முட்டாள் தினம்!!!

ஏமாற்றப்படும் சில தருணங்கள்!!!

விட்டு விடுதலையாகிறோம்

கருவறை என்னும்

சிறு அறையை விட்டு - என்றெண்ணி

சிரிக்கும் குழந்தை

சிறைபட்டது பரந்த உலகில்!!

தெரிந்த கேள்விகளை

தேர்வு வினாத்தாளில் தேடும்

மாணவன்!!

இன்றாவது,

என்னை கவனிப்பாளா?! -

என்ற நினைப்பில்

என் கல்லூரித் தோழன்!!

கனவில் வடித்த சிலை

உயிர்பெற்றார் போல் - ஓர் மனைவி!!

என்றெண்ணும் வாலிபன்!!

இறுக்க மூடியிருக்கும்

பிறந்த குழந்தையின்

பிஞ்சுக் கையை

பிரித்துப்பார்க்கும் தகப்பன்!!

தன் துயரம்

தனயன் அறியக்கூடாது - என்று

தவிக்கும் தந்தை!!!

இப்படி பல தருணங்களில்

ஏமாறப் போகிறோம்

எனத்தெரிந்தே ஏமாறுகிறோம்!!

இவை எல்லாம்

நமக்கு சுகம்தரும் ஏமாற்றங்கள்!!

இதைத் தவிர

இன்னும் சில!!

நாளை வீட்டுக்கே வரும்

உதவித்தொகை - என

உரைக்கும்

உயரதிகாரியின் பேச்சைகேட்டுத் திரும்பும்

ஊன்றுகோல் கிழவன்!!

மூன்றே மாதத்தில்

மும்மடங்கு பணம் - எனக்கேட்டு

மும்மரமாய்

முதலீடு செய்யும்

முட்டாள் சாமானியன்!!!

"வளமான இந்தியாவை உண்டாகுவோம்" - என

வரலாற்று காலம் தொட்டு

வஞ்சகம் இல்லாமல் பெய்யுரைக்கும்

அரசியல் ஆன்றோரின் பேச்சை

அகலவாய் பிளந்து கேட்கும்

அடிமட்டத் தொண்டன்!!

இன்னும் ஒருமுறை

இவருக்கே வாய்ப்பளிப்போம் - என மீண்டு(ம்)

தவறுக்கே ஓட்டளிக்கும்

கடமை தவறாத குடிமகன்!!

தெரியாமல்தான் கேட்கிறேன் -

இப்படி ஏமாறுவதில்

அப்படி என்ன சுகம் கண்டீர்?!!

ஆனால் - ஒன்று உறுதி!

நீவிர் தான்

முட்டாள்தினம் கொண்டாட

முழுத்தகுதி படைத்தவர்!!!

                    

                -அ.ச.கி.